Перадвыбарная кампанія афіцыйна стартавала ў Злучаным Каралеўстве

6 Лістапада 2019

Пазачарговыя выбары ў парламент пройдуць 12 снежня. Аб роспуску заканадаўчага органа прэм'ер-міністр Борыс Джонсан сёння паінфармаваў каралеву Лізавету Другую. Выбары праходзяць з-за няпростай сітуацыі, якая склалася вакол выхаду Вялікабрытаніі з Еўрасаюза. Ён павінен быў адбыцца яшчэ ў канцы кастрычніка, аднак дату перанеслі на пачатак наступнага года. Раней дэпутаты адмаўляліся зацвердзіць праект пагаднення з Бруселем аб умовах выхаду.