Прадстаўнікі беларускіх дыпмісій за мяжой прынялі ўдзел у дзясятках мерапрыемстваў, прысвечаных гадавіне Вялікай Перамогі.
Часовы павераны ў справах Беларусі ў ЗША Павел Шыдлоўскі ўсклаў вянкі да Сцяны свабоды ў Вашынгтоне. Як адзначылі ў прэс-службе МЗС нашай краіны, саветнік прэзідэнта ЗША па пытаннях нацбяспекі пасол Сьюзан Райс перадала падзяку амерыканскага народа краінам-саюзніцам, што перамаглі ў вайне. Асаблівую ўдзячнасць Сьюзан Райс выказала Беларусі, Расіі і Украіне, якія панеслі ў перыяд вайны значныя страты.
Пасольства Беларусі ў Венгрыі прыняло ўдзел у арганізацыі цырымоніі ўскладання вянкоў ля помніка савецкім салдатам, якія вызвалялі Будапешт.
А пасол нашай краіны ў Літве Аляксандр Кароль у гонар памятнай даты наведаў воінскія пахаванні на могілках Вільнюса.
У Ізраілі беларускія дыпламаты пабывалі на ўрачыстасцях у горадзе Кір'ят Ям, дзе павіншавалі мясцовых ветэранаў вайны.