Перадапошні дзень Пампей: дакладную дату вывяржэння Везувія раскрыў старажытны надпіс

Неверагодная знаходка! Таямніцу гібелі Пампей дапамог раскрыць старажытны надпіс на сцяне. Вывяржэнне Везувія, якое знішчыла адразу два рымскія гарады, судзячы па ўсім, адбылося пазней, чым прынята лічыць. Надпіс знайшлі на віле, якая належыла багатым жыхарам Пампей - горада, засыпанага вулканічным попелам падчас катастрафічнага вывяржэння Везувія. Археолагі адкапалі яе зусім нядаўна і ўбачылі: на сцяне, размешчанай бліжэй да ўваходу ў панадворак, надрапана вуглём: "16 дзён да лістапада". Гэта значыць, 17 кастрычніка. На думку археолагаў, аўтар надпісу пазначыў дату пачатку вывяржэння Везувія.