Свята ў Шры-Ланцы сёння азмрочана тэрактамі. За дзень у краіне прагрымела восем выбухаў. Спачатку невядомыя прывялі ў дзеянне прылады ў каталіцкіх цэрквах Каломба, Нягомба і Бацікалоа. Яшчэ тры ў пяцізоркавых гатэлях. Сёмая бомба ўзарвалася ў гасцініцы "Тропікал Ін". Восьмы выбух адбыўся тры гадзіны таму ў сталіцы. Частку атак учынілі смяротнікі. Загінулі больш як 200 чалавек. 500 атрымалі раненні. Сярод ахвяр 35 іншаземцаў. Гэта падданыя ЗША, Вялікабрытаніі і Нідэрландаў. У Шры-Ланцы ўведзена каменданцкая гадзіна, абмежаваны доступ у інтэрнэт. Ніводная з груповак пакуль не ўзяла на сябе адказнасць. Паводле адной з версій, за тэрактамі стаяць ісламісты, аб планах якіх паліцыя ведала загадзя. Ужо затрымана трое падазроных.
Прэзідэнт Беларусі Аляксандр Лукашэнка ад імя народа і сябе асабіста выказаў спачуванне і словы падтрымкі лідару Шры-Ланкі Майтрыпале Сірысене, родным і блізкім загінуўшых і пацярпелых. Наша краіна рашуча асуджае цынічныя злачынствы супраць ланкійскага народа, заклікае сусветную супольнасць працягваць барацьбу з любымі праявамі тэрарызму, экстрэмізму, нецярпімасці і запрашае прагрэсіўнае грамадства да шырокага дыялогу з мэтай павышэння мер даверу і бяспекі.
Свята ў Шры-Ланцы азмрочана тэрактамі. У краіне прагрымела восем выбухаў
21 апреля 2019