Чарговы ўдар па свабодзе прэсы і дэмакратыі. Палітычнае рашэнне высокага суда Брытаніі па экстрадыцыі Джуліяна Асанжа абурыла грамадскасць. Напярэдадні актывісты сабраліся ў цэнтры Лондана, каб выказаць сваю нязгоду. Паводле іх слоў, гэта чорны дзень для незалежнай журналістыкі і свабоды слова. Пратэстоўцы патрабуюць не выдаваць экс-галоўрэда сайта WikiLeaks.
Яму пагражала 175 гадоў турмы за публікацыю праўдзівай інфармацыі ў грамадскіх інтарэсах. Джуліян Асанж - інтэлектуал, мірны чалавек і не заслугоўвае такога абыходжання. Гэта недарэчнае праследаванне на працягу апошніх 10 гадоў павінна спыніцца.
Галоўная віна заснавальніка WikiLeaks - апублікаванне матэрыялаў, якія абвінавачвалі амерыканскіх салдат у здзяйсненні ваенных злачынстваў і масавых забойствах мірных жыхароў у Афганістане і Іраку. Такое зневажанне ў Вашынгтоне не змаглі стрываць. Вядома, што спецслужбы ЗША нават распрацоўвалі план забойства Асанжа.
