Аб гэтым у сумеснай заяве паведамілі лідары "Аўстрыйскай народнай партыі" Себасцьян Курц і "Аўстрыйскай партыі свабоды" Хайнц Крысціян Штрахе.
Себасцьян Курц, канцлер Аўстрыі, лідар "Аўстрыйскай народнай партыі":
"Дазвольце вам паведаміць, што мы змаглі дамовіцца аб фарміраванні "бірузова-блакітнага" кааліцыйнага ўрада. Два месяцы назад Аўстрыя прагаласавала на выбарах за змены ў кірунку нашай краіны. І мы можам запэўніць, што пры дапамозе сумесна распрацаванай праграмы дасягнём гэтых змен у пяцігадовы перыяд".
Нагадаем, 15 кастрычніка адбыліся парламенцкія выбары ў Аўстрыі. Кансерватыўная партыя Курца атрымала перамогу.
