Паводле апошняй інфармацыі, усе рухавікі, акрамя аднаго, удалося запусціць. Судна "Вікінг Скай" страціла ход напярэдадні падчас моцнага шторму. З 1 тысячы 300 пасажыраў, якія знаходзіліся на борце, - большасць брытанцы і амерыканцы. Экіпаж складаецца з прадстаўнікоў розных краін, у тым ліку траіх расіян. Моцны шторм у раёне здарэння не дазволіў перасаджваць людзей на іншыя судны. Была толькі адна магчымасць - паднімаць па адным чалавеку на пяць верталётаў, што прыйшлі на дапамогу лайнеру. На сушу ўдалося даставіць больш як 460 пасажыраў.
Зараз у раёне буксіроўкі вышыня хваль прыкладна чатыры з паловай метры. Эвакуацыя пасажыраў пакуль спыненая. Паром буксіруюць з дапамогай двух іншых суднаў.