Напружанай мінулая ноч выдалася за акіянам. Пасланні з пагрозамі разышліся па гарадах у Злучаных Штатах. Лісты атрымалі некалькі соцень адрасатаў у Фларыдзе, Каліфорніі, Нью-Джэрсі. Аўтар ананімак заявіў, што ўчыніць выбухі, будзе шмат параненых. І патрабаваў 20 тысяч долараў у біткойнах. Адпраўніка зараз шукае паліцыя.
А ў Канадзе з-за паведамленняў аб бомбе здарыўся транспартны калапс: у правінцыі Альберта і Антарыа скасаваныя аўтобусныя рэйсы, не ходзяць электрычкі і цягнікі. У Калгары зачынены галоўны аэрапорт. З цэнтральнага вакзала ў Таронта эвакуіравалі ўсіх пасажыраў. На чыгуначных станцыях, у метро, тэрміналах авіявузлоў гэтымі хвілінамі працуюць сапёры, а на вуліцах гарадоў - узмоцненыя патрулі. Упраўленне нацыянальнай паліцыі Канады пакуль не дае каментарыяў.
