Чэхія і ўвогуле адкрыла межы для сваіх грамадзян. На рабочыя месцы вярнуліся супрацоўнікі завода "Шкода". Запрацавалі супермаркеты плошчай да 2,5 тысяч квадратных метраў.
У Швейцарыі пачалі аказваць паслугі цырульні і іншыя бытавыя прадпрыемствы. Пасля 11 мая адновяцца заняткі ў школах.
У Літве акрамя касметычных салонаў адкрываюцца музеі, бібліятэкі, вулічныя кафэ. Прымаюць наведвальнікаў заапаркі і батанічныя сады. Дазволена гуляць у гольф і тэніс.
Улады Польшчы зноў дазволілі ўступаць у шлюбы. Праўда, на маладых павінны быць маскі, а колькасць гасцей не павінна перавышаць 15 чалавек. Можна гуляць у лясах і парках. Аслаблены абмежаванні на доступ пакупнікоў у магазіны.
У Італіі, дзе каранцін найбольш строгі, адкрываюцца прамысловыя прадпрыемствы. Шматлікія будаўнічыя арганізацыі адновяць працу ў найбліжэйшыя дні. З 4 мая бары і рэстараны змогуць прадаваць ежу навынас. Грамадзянам дазволяць перамяшчацца ўнутры правінцый, дзе яны жывуць. З сярэдзіны мая пачнуць працаваць магазіны, музеі і салоны прыгажосці.
Адсутнасць прагулак на свежым паветры - прычына гіпаксічнай пнеўманіі
Расійскія ўрачы таксама выказваюцца за змякчэнне абмежавальных мер:Святлана Калінчанка, доктар медыцынскіх навук, прафесар (Расія): "Гэта залішнія меры, я да гэтага стаўлюся вельмі негатыўна. І зараз мы ўжо пачынаем пажынаць першы негатыўны плён гэтага. Мы пачынаем атрымліваць гіпаксічныя пнеўманіі, якія не звязаныя з каранавірусам. Гіпадынамія вядзе да трамбозаў, гіпаксія - да пнеўманіі. Я проста заклікаю, змагаюся за тое, што вярніце паркі, вярніце людзям кісларод. Людзі павінны дыхаць!".
