Паліцыя Турцыі працягвае пошукі тэрарыста, які ў навагоднюю ноч расстраляў наведвальнікаў клуба Рэйна. Праведзеная сёння ноччу спецаперацыя ў Стамбуле завяршылася безвынікова. Затрымаць нікога не атрымалася. Аднак следчыя лічаць, што пошукі - гэта пытанне часу, бо ў экспертаў ёсць фота і адпячаткі пальцаў меркаванага злачынца. Нагадаем, у навагоднюю ноч невядомы ўчыніў страляніну ў элітнай установе Стамбула. Загінулі 39 чалавек, дзясяткі атрымалі раненні. Адзін з відавочцаў трагедыі, амерыканец, застаўся жывы. Джэйкаб Раак прыехаў у Стамбул з сябрамі святкаваць сваё 35-годдзе і Новы год. Падчас нападу ён атрымаў раненне ў нагу. Другая куля трапіла ў тэлефон, які знаходзіўся ў кішэні штаноў. Паводле слоў амерыканца, тэрарыст здымаў сваіх ахвяр на камеру пасля стрэлаў. Джэк Раак паведаміў, што застаўся жывы таму, што ляжаў на падлозе і здолеў прыкінуцца мёртвым. Адказнасць за атаку ўзяла на сябе "Ісламская дзяржава".
Паліцыя Турцыі працягвае пошукі тэрарыста, які забіў 39 чалавек у навагоднюю ноч
3 января 2017