Паліцыя Канады здолела прадухіліць тэракт

Злачынцы планавалі здзейсніць масавы расстрэл людзей у адным з гандлёвых цэнтраў у горадзе Галіфакс, а затым пакончыць з сабой. Супрацоўнікі праваахоўных органаў паведамілі аб 3 арыштах. Сярод затрыманых 23-гадовая жанчына, а таксама двое мужчын ва ўзросце 17 і 20 гадоў. Яшчэ адзін падазроны быў знойдзены мёртвым ва ўласным доме, куды вартавыя парадку прыбылі, каб правесці арышт. Паводле інфармацыі паліцыі, злачынцы мелі доступ да агнястрэльнай зброі, а сама атака была запланаваная на Дзень святога Валянціна.