Падрабязнасці здарэння на фондавай біржы ў сталіцы Інданезіі

Сталі вядомыя падрабязнасці здарэння на фондавай біржы ў сталіцы Інданезіі. Надзвычайнае здарэнне адбылося праз некалькі хвілін пасля заканчэння ранішняй гандлёвай сесіі - у будынку абвалілася перакрыцце паміж першым і другім паверхамі. Паводле слоў відавочцаў, спачатку біржа задрыжала, затым з-пад ног сышоў балкон, які знаходзіўся над лобі першага паверха. Пад абломкамі апынуліся і наведвальнікі папулярнага ў турыстаў кафэ. Пацярпелі больш як 70 чалавек. Ратавальнікі версію выбуху выключылі. Нягледзячы на інцыдэнт, вячэрнія таргі пачаліся па раскладзе.