Пад заваламі небаскроба ў Мехіка знойдзеныя целы яшчэ 2 супрацоўнікаў

Такім чынам, колькасць ахвяр пятнічнай трагедыі дасягнула 35. Прапаўшымі без вестак лічацца восем чалавек. Працы па іх пошуку зараз праходзяць у ніжняй частцы будынка. Там, дзе знаходзіўся эпіцэнтр выбуху. Ратавальнікі стараюцца працаваць як мага хутчэй, але ўжо зразумела, што надзеі знайсці жывых няма. У бальніцах Мехіка знаходзіцца каля 30 супрацоўнікаў кампаніі. Усяго ад выбуху пацярпела больш за 120 чалавек. Прычына інцыдэнту дагэтуль не вызначаная.