Пад Каірам у некропалі Сакара выяўлена ўнікальная ўсыпальня

17 Снежня 2018

Імаверна, раней яе ніколі не адкрывалі. На думку навукоўцаў, усыпальні больш за 4400 гадоў і належыць яна высокапастаўленаму чыноўніку, які жыў пры кіраванні Пятай дынастыі фараонаў Старажытнага царства. Даўжыня ўсыпальні - 10 метраў, шырыня і вышыня - каля 3. Іерогліфы, каляровыя фрэскі і статуі, якія ўпрыгожваюць сцены, выдатна захаваліся. Праўда, саркафага з астанкамі пахаванага тут чалавека не знайшлі, як і ніякіх скарбаў або пахавальных прадметаў.