Першая пасля аварыі ракета "Саюз-ФГ" паспяхова стартавала з Байканура

Ракета-носьбіт вывела на каляземную арбіту транспартны грузавы карабель "Прагрэс". На касмічную станцыю ён даставіць дзве з паловай тоны грузу - гэта вада, прадукты, паліва, сціснутыя газы, навуковае абсталяванне і медыкаменты для касманаўтаў. Чакаецца, што стыкоўка "Прагрэсу" са станцыяй адбудзецца ўжо заўтра. Яшчэ ў кастрычніку ў "Саюза" ўзніклі праблемы з аддзяленнем бакавых блокаў ракеты. Экіпаж быў вымушаны ажыццявіць аварыйную пасадку.