Пентагон пацвердзіў, што самалёт, які зваліўся ў Афганістане, належыць ПС ЗША

Самалёт, які пацярпеў учора крушэнне ў афганскай правінцыі Газні, быў амерыканскім. Гэта пацвярджае прадстаўнік камандавання сіл ЗША ў Афганістане. У тым, што ваеннае паветранае судна сувязі было збіта талібамі, паводле яго слоў, ёсць сумненні: пакуль няма доказаў таго, што прычынай стаў варожы агонь. Зараз спецыялісты высвятляюць, што ж адбылося. У момант крушэння на борце машыны знаходзіліся пяць чалавек.