Увага ўсяго свету прыкаваная да Вялікабрытаніі. Менш чым праз гадзіну стане зразумела, выйдзе Злучанае Каралеўства з ЕС з пагадненнем або па сцэнарыі жорсткага Брэксіту. У 22:00 па мінскім часе ў Лондане стартуе галасаванне палаты обшчын. Нагадаем, дагавор аб выхадзе з Еўрасаюза аб'ёмам амаль 600 старонак прэм'ер-міністру ўдалося заключыць з Бруселем яшчэ летась у лістападзе. Зрэшты, здзелка не атрымала адабрэння многіх брытанскіх палітыкаў. На іх думку, дакумент мае шэраг слабых бакоў і не абараняе інтарэсы дзяржавы. Тэрэзе Мэй нават прыйшлося перанесці галасаванне па пагадненні, якое павінна было адбыцца летась у снежні. Прэм'ер арганізавала шэраг дэбатаў, падчас якіх спрабавала пераканаць парламентарыяў.
Пра тое, што галасаванне можа завяршыцца непажаданым чынам для Тэрэзы Мэй, гаворыць і той факт, што напярэдадні палата лордаў большасцю галасоў не падтрымала варыянт выхаду Вялікабрытаніі з Еўрасаюза. Калі сёння члены парламента падтрымаюць пагадненне, то каралеўства пакіне ЕС згодна з планам - 29 сакавіка. Калі адказ дэпутатаў стане адмоўным, то Тэрэза Мэй пойдзе ў адстаўку, а краіна сутыкнецца з сур'ёзнымі палітычнымі і эканамічнымі выпрабаваннямі. На фоне хвалявання, якое нарастае, ля будынка парламента ў Лондане з'явілася скульптура гаспадыні Даўнінг-стрыт з пап’е-машэ. Мэй з выратавальным кругам у руках стаіць на носе карабля, што нясецца на вялізны айсберг.
