Адмова абодвух рухавікоў стала прычынай крушэння самалёта кампаніі TransAsia

У самалёта кампаніі TransAsia, які пацярпеў крушэнне ў Тайбэі, адмовілі абодва рухавікі - аб гэтым паведамілі прадстаўнікі камісіі, якая займаецца расследаваннем трагедыі. На месцы здарэння працягваецца пошукавая аперацыя. У спісе ахвяраў - 35 чалавек. Яшчэ 8 лічацца прапаўшымі без вестак. Прэзідэнт нашай краіны Аляксандр Лукашэнка ад імя беларускага народа і сябе асабіста выказаў спачуванні Старшыні Кітая Сі Цзіньпіну, сем'ям загінуўшых, а таксама пажадаў скарэйшай папраўкі пацярпелым.