Каля 10 тысяч турыстаў эвакуіраваныя з-за пажару з папулярнага пляжа на харвацкім востраве Паг

Летнія лясныя пажары ў Еўропе. Каля 10 тысяч турыстаў  эвакуіраваныя з папулярнага пляжа на харвацкім востраве Паг. Тут традыцыйна збіраюцца маштабныя вечарынкі. Ачаг узгарання  выявілі ў сасновым бары. Полымя ўдалося хутка ўзяць пад кантроль пры дапамозе трох пажарных самалётаў. Пацярпелых няма.

Напярэдадні ўдалося лакалізаваць пажар і ў турыстычным рэгіёне Коста-дэль-Соль на поўдні Іспаніі. Але гарачае засушлівае надвор'е ўсё яшчэ ўтойвае ў сабе пагрозу. Пажарнікі працягваюць працаваць, каб патушыць полымя і прадухіліць новыя ўзгаранні.