Свежыя падрабязнасці аб сенсацыйным адкрыцці НАСА. На экстраннай прэс-канферэнцыі, якая стартавала каля 20 хвілін таму, спецыялісты агенцтва расказалі аб выяўленні 7 патэнцыяльна прыдатных для жыцця планет за межамі Сонечнай сістэмы. Усе яны круцяцца вакол адной зоркі ў сузор'і Вадалея - гэта каля 40 светлавых гадоў ад Зямлі. Прамая трансляцыя прэс-канферэнцыі вядзецца ў Інтэрнэце. У сацыяльных сетках любы ахвочы можа задаць навукоўцам пытанне.
Апошнія гады НАСА актыўна займаецца пошукам экзапланет зямнога тыпу - так завуцца планеты, падобныя на Зямлю, але змешчаныя па-за нашай Сістэмай. Найбліжэйшая да Зямлі патэнцыяльная экзапланета зямнога тыпу знаходзіцца за чатыры светлавыя гады ад Сонца - у сузор'і Альфа-Цэнтаўра.
