У Інданезіі абнародаваны магчымыя прычыны катастрофы лайнера кампаніі AirAsia, у выніку якой загінулі 162 чалавекі. Як заявіў міністр транспарту Інданезіі, перад крушэннем самалёт рэзка павялічыў хуткасць і стаў набіраць вышыню, пасля чаго трапіў у рэжым "звальвання" і знік з радараў. Як удакладніў міністр, лайнер рабіў набор вышыні з такой жа хуткасцю, як знішчальнік - каля дзвюх тысяч метраў за хвіліну. Вядома, што экіпаж запрасіў у наземных служб дазвол адхіліцца ад курсу і падняцца да 11,5 тысяч метраў, каб абысці навальнічны фронт. Чакаецца, што папярэдні даклад аб прычынах крушэння будзе апублікаваны ўжо ў канцы гэтага тыдня.
