Так спасылаючыся на звесткі, атрыманыя ад экс-супрацоўніка ЦРУ Эдварда Сноўдэна, паведамляюць нямецкія СМІ, Вашынгтон праслухоўваў размовы Ангелы Меркель больш як 10 гадоў. Пры гэтым на працягу апошніх трох гадоў пра гэта ведаў прэзідэнт ЗША Абама. Аднак да апошняга ён пераконваў у тым, што пра гэта яму не было вядома. Акрамя таго, апублікаваны і факт, што сочка за чыноўнікамі ФРГ вялася прама з будынка пасольства ЗША ў Берліне. Кіраўнік нямецкага МУС заявіў, што Германія можа выслаць з краіны амерыканскіх дыпламатаў. І сёння стала вядома дата надзвычайнай сесіі Бундэстага - 18 лістапада. На ёй плануюць разгледзець пытанне аб прыцягненні Сноўдэна ў сведкі па справе аб праслухоўванні Меркель. Дарэчы, сёння ў Брытаніі пачаўся суд па справе двух вядомых журналістаў - Рэбекі Брукс і Эндзі Кулсана. Паводле версіі следства, яны праслухоўвалі тэлефоны і чыталі электронную пошту грамадзян, якія станавіліся героямі іх публікацый.
