Нікаля Сарказі апынуўся ў цэнтры скандалу

Былы прэзідэнт Францыі Нікаля Сарказі апынуўся ў цэнтры скандалу, выкліканага публікацыяй запісаў яго прыватных перамоў падчас яго кіраўніцтва дзяржавай з 2007 па 2012 год. З гутарак экс-прэзідэнта вядома, што ён непахвальна і нават грэбліва выказваўся пра некаторых міністраў, а яны абураліся тым, што на важных сустрэчах прысутнічае жонка кіраўніка дзяржавы Карла Бруні. Хоць іншых матэрыялаў, якія кампраметуюць Сарказі, пакуль не апублікавалі, яны яшчэ могуць з'явіцца. Журналісты сцвярджаюць, што ў іх аказаліся тысячы гадзін запісаў гутарак прэзідэнта. Сам Сарказі, а таксама многія французскія палітыкі назвалі здарэнне агідным і непрымальным. У здрадзе экс-прэзідэнту абвінавачваюць яго былога палітычнага саветніка Патрыка Бісона, які не адмаўляе, што запісы былі зробленыя ім. Але чыноўнік сцвярджае, што матэрыялы ў яго выкралі.