Літаральна гадзіну таму з'явіліся першыя афіцыйныя вынікі галасавання. Пераемнік Чавеса ўжо набраў больш за 50 працэнтаў галасоў. На прамой сувязі са студыяй з Каракаса наш карэспандэнт Якаў Бута (па тэлефоне). У Каракасе ўжо амаль поўнач, і літаральна паўгадзіны таму Цэнтрвыбаркам Венесуэлы аб'явіў вынікі выбараў. Перамог Нікалас Мадура. Каб пазбегнуць беспарадкаў і правакацый з боку апазіцыі, у Каракасе ўзмоцненыя меры бяспекі. Горад ахоўвае паліцыя і вайскоўцы - усяго больш як 140 тысяч чалавек. Пераемнік Уга Чавеса выконвае абавязкі прэзідэнта з моманту смерці камандантэ. Паўнавартасным жа кіраўніком дзяржавы Мадура стане 19 красавіка. Ён будзе кіраваць краінай наступныя шэсць гадоў. Эксперты ўжо назвалі выбарчы працэс адным з самых празрыстых. У краіне працавалі тысячы міжнародных і апазіцыйных назіральнікаў. Цяперашнія выбары сталі рэкорднымі і па яўцы. Толькі на 14 гадзін свой голас пакінулі 60 працэнтаў выбаршчыкаў. Гэта каля 11 мільёнаў чалавек. Мы будзем сачыць за развіццём сітуацыі ў Каракасе.
