Трэцюю гадавіну так званай язмінавай рэвалюцыі Туніс сустрэў масавымі антыўрадавымі дэманстрацыямі. Іх удзельнікі сцвярджаюць, што не адчулі ніякай выгады ад перавароту 2011 года. Але ж туніскія падзеі таго часу сталі пачаткам цэлай хвалі рэвалюцый, якая пракацілася па краінах арабскага свету. Яны прывялі да змены ўлады ў Егіпце, Лівіі, Емене і сур'ёзных рэформ у Марока. Усе гэтыя дзяржавы з прычыны палітычных пераваротаў не толькі страцілі стабільнасць, але і пазбавіліся былой славы турыстычна прывабных краін. Іх эканомікі - на грані калапсу.
А ў Сірыі на фоне нестабільнай сітуацыі ў рэгіёне разгарэўся кровапралітны ўзброены канфлікт улад і мяцежнікаў. Высілкамі сусветнай супольнасці і прэзідэнта Башара Асада пакуль атрымліваецца захоўваць надзею на аднаўленне былой стабільнасці.