Сталі вядомыя ўладальнікі Нобелеўскай прэміі па фізіцы. Узнагарода прысуджаная Джэймсу Піблзу за тэарэтычныя адкрыцці ў галіне фізічнай касмалогіі, якія заклалі аснову сучаснага разумення гісторыі Сусвету, а таксама Мішэлю Маёру і Дыдзье Кело за адкрыццё першай з экзапланет, што круцяцца вакол зоркі сонечнага тыпу за межамі нашай Сонечнай сістэмы. Заўтра назавуць уладальніка ўзнагароды ў галіне хіміі. Нагадаем, сума кожнай з прэмій сёлета складае больш за 900 тысяч долараў.
Названыя лаўрэаты Нобелеўскай прэміі па фізіцы 2019 года
8 октября 2019