Ёсць загінуўшыя і прапаўшыя без весткі. Узровень вады ў рэках і азёрах павысіўся. Заліты шэраг аўтадарог. Улады абяцаюць прыняць усе меры, якія дазволяць не дапусціць праблем, што ўзніклі ў краіне тры гады таму. Тады з-за паводкі загінулі звыш 600 чалавек. Было аб'яўлена надзвычайнае становішча.
Амаль 300 чалавек, паводле апошніх звестак, сталі ахвярамі паводак і выкліканых імі апоўзняў на тэрыторыі Пакістана і Індыі. Людзі тысячамі вымушаныя шукаць прытулак у школах. У абедзвюх краінах ідуць работы па выратаванні насельніцтва. На верталётах і лодках ратавальнікі шукаюць людзей, якія не здольныя самастойна пакінуць свае дамы. У пошукава-выратавальных работах задзейнічаныя ваенныя падраздзяленні.
