Нацыянальны з'езд Дэмакратычнай партыі ЗША адкрываецца сёння ў Філадэльфіі

Дэлегатам трэба будзе вылучыць кандыдатаў на пасады прэзідэнта і віцэ-прэзідэнта на лістападаўскіх выбарах. Лідзіруюць былая першая лэдзі і экс-дзяржсакратар Хілары Клінтан і сенатар ад штата Вірджынія Цімаці Кейн. З'езд у Філадэльфіі сустракаюць пратэстамі. Зрэшты, як і аналагічны ў рэспубліканцаў. У спісе заявак, зацверджаных гарадскімі ўладамі, 28 дэманстрацый. Нагадаем, у ЗША ўжо зарэгістраваны кандыдат ад Рэспубліканскай партыі. Гэта мільярдэр Дональд Трамп. Паводле апошніх сацапытанняў, шанцы на перамогу ў Клінтан і Трампа амаль роўныя.