Назіральнікі місіі ПА АБСЕ назвалі выбары ва Украіне канкурэнтнымі і свабоднымі

22 Красавіка 2019

Ва Украіне па выніках другога тура прэзідэнцкіх выбараў  99 % бюлетэняў апрацаваныя. Больш за 73 % галасоў набраў вылучэнец ад партыі "Слуга народа" Уладзімір Зяленскі. Апанент -  дзеючы прэзідэнт Пётр Парашэнка - заручыўся падтрымкай амаль 25 % выбаршчыкаў. Палітычную кар'еру на гэтым Парашэнка завяршаць не збіраецца. Што да новаабранага прэзідэнта Уладзіміра Зяленскага, то ў прыярытэце дапрацоўка законаў аб незаконным узбагачэнні, аб імпічменце прэзідэнта, аб недатыкальнасці дэпутатаў парламента, іншыя ініцыятывы, звязаныя з барацьбой з карупцыяй. Акрамя таго, Зяленскі мае намер працягваць мінскі працэс па Данбасе. 

Уладзімір Зяленскі, новаабраны прэзідэнт Украіны: "Мы будзем дзейнічаць у любым выпадку ў "нармандскім фармаце". Мы працягнем мінскі працэс. Мы яго перазапусцім. Думаю, у нас адбудуцца кадравыя замены. У любым выпадку, мы будзем працягваць мінскі кірунак і ісці да канца, каб спыніць агонь".

Назіральнікі місіі Парламенцкай асамблеі АБСЕ назвалі прэзідэнцкія выбары ва Украіне канкурэнтнымі і свабоднымі.