На паўднёвым усходзе Украіны, нягледзячы на серыю начных абстрэлаў, перамір'е з пятніцы ў цэлым выконваецца, гавораць назіральнікі. Жыхары рэгіёна ўжо пачалі рамантаваць дамы, ідзе і аднаўленне разбуранай інфраструктуры. У Луганску правялі суботнік, а ў Данецку ў некалькі раёнаў стала зноў паступаць электрычнасць. У Марыупалі расчышчаюць месцы апошніх бітваў. Маніторынг выканання рэжыму спынення агню, замацаванага ў Мінскім пратаколе, пачалі супрацоўнікі АБСЕ.
З заклікам да сусветнай супольнасці падтрымаць дамоўленасці аб спыненні агню ва Украіне звярнуўся Генеральны сакратар ААН Пан Гі Мун. Прэзідэнт Украіны Пётр Парашэнка падпісаў закон, згодна з якім газатранспартная сістэма і падземныя сховішчы газу краіны застаюцца ў дзяржуласнасці, аднак зараз іх можна перадаваць у кіраванне спецыяльна створаным кампаніям, у якіх дзяржава атрымае кантрольны пакет, а астатнія акцыі могуць набыць еўрапейскія і амерыканскія кампаніі. Сёння 100 працэнтаў Укртрансгаза належаць Нафтагазу Украіны.
