На паўночным усходзе КНДР адбылося землетрасенне

На паўночным усходзе КНДР адбылося землетрасенне магнітудай 3,4. Падземныя штуршкі зафіксаваны побач з выпрабавальным ядзерным палігонам. Землетрасенне можа быць вынікам узрыву, паведамляе кітайскі сейсмалагічны цэнтр. Яго ачаг залягаў на глыбіні менш за кіламетр. Зрэшты, паўднёвакарэйскія сейсмолагі схіляюцца да таго, што землетрасенне насіла прыродны характар і не было звязана з ядзерным выпрабаваннем Пхеньяна. Нагадаем, у пачатку верасня Паўночная Карэя заявіла пра паспяховае выпрабаванне вадароднай бомбы. Яно выклікала землетрасенне магнітудай 6.