На месцы авіякатастрофы пад Іркуцкам знойдзены дзве чорныя скрыні. Адзначаецца, што моўны самапісец выключаны, параметрычны знаходзіцца ў хваставой частцы самалёта. Па ўдакладненых даных, на борце Ан-12 знаходзіліся 9 чалавек. Знойдзены целы і астанкі 7-мі. Сярод загінуўшых - трое грамадзян Беларусі, а таксама расіяне і ўкраінцы. На месцы падзення працягваюць працаваць ратавальнікі. Нагадаем, трагедыя адбылася напярэдадні - пацярпеў крушэнне самалёт беларускай авіякампаніі. Папярэдняя прыярытэтная прычына крушэння - абледзяненне руля вышыні і элементаў механізавання крыла.
А. Лукашэнка накіраваў спачуванне родным і блізкім экіпажа самалёта, які разбіўся пад Іркуцкам
Ад імя беларускага народа і сябе асабіста шчырыя словы спачування і падтрымкі сем'ям загінуўшых накіраваў Прэзідэнт. Аляксандр Лукашэнка пажадаў ім мужнасці і ўстойлівасці ў гэту цяжкую гадзіну.
Дэпартамент па авіяцыі Беларусі спыніў эксплуатацыю Ан-12
Спачуванні выказаў і калектыў кампаніі Belavia. Дэпартамент па авіяцыі Беларусі прыняў рашэнне спыніць камерцыйную эксплуатацыю Ан-12 на час расследавання.
