На Алясцы зафіксавалі рэкордную за 50 гадоў спякоту

Слупкі тэрмометраў у Анкорыджы, найбуйнейшым горадзе штата, дасягнулі адзнакі 32 градусы. Прычынай такога надвор'я спецыялісты завуць уплыў антыцыклону і вобласці высокага ціску над паўднёва-цэнтральнай часткай паўвострава. Рэкордныя тэмпературныя максімумы адзначаныя і ў іншых населеных пунктах. Паводле прагнозаў сіноптыкаў, спякота, блізкая да рэкорднай, захаваецца ў паўднёвых раёнах штата і ў выхадныя.