Муж падрыхтаваў смяротніцу да самападрыву

Дзмітрый Сакалоў, грамадзянскі муж смяротніцы Наіды Асіялавай, якая ўчыніла ўзрыў у пасажырскім аўтобусе ў Валгаградзе, з'яўляецца галоўным спецыялістам-падрыўніком у махачкалінскай бандгрупе. Пра гэта паведамляюць расійскія СМІ. Праваахоўнікі лічаць, што менавіта ён падрыхтаваў Асіялаву да самападрыву. Лічыцца, што Сакалоў займаўся навучаннем і іншых смяротніц. Нагадаем, тэракт у Валгаградзе адбыўся напярэдадні днём у пасажырскім аўтобусе нумар 29. У выніку ўзрыву загінулі шэсць пасажыраў і смяротніца Наіда Асіялава. Паводле апошніх звестак, раненні атрымалі 43 чалавекі. Па трох артыкулах узбуджана крымінальная справа, у вобласці аб'яўлена трохдзённая жалоба.