Сённяшні снегапад у Маскве абяцае стаць самым вялікім за апошнія 68 гадоў. Згодна з прагнозамі спецыялістаў, у расійскай сталіцы за суткі можа выпасці каля траціны месячнай нормы ападкаў. У маскоўскіх аэрапортах з-за непагадзі затрымана і адменена больш за паўсотні рэйсаў, у тым ліку і ў Мінск.
Вясна ніяк не дабярэцца і да Еўропы. Амстэрдам і зусім ператварыўся ў гіганцкі ледзяны каток. Там упершыню за 6 гадоў замерзлі знакамітыя каналы. Зрэшты, самі галандцы такой падзеі хутчэй узрадаваліся. Жыхары сталіцы дасталі канькі і з задавальненнем пракаціліся па водных шляхах.
