З-за снежных намецяў у Чэхіі, Польшчы, Аўстрыі заблакіраваныя аўтамагістралі і чыгуначныя пуці. Рэзка павялічылася колькасць аварый. У горных раёнах Аўстрыі і Славакіі ўжо закрыты перавалы - з гор сышлі снежныя лавіны, абарваныя лініі электраперадач. Парушана работа аэрапортаў. Урон ад цыклона "Аксель" у Германіі вылічаецца сотнямі тысяч еўра.
У Італіі таксама выпаў снег. У пацярпелых ад землетрасення ў жніўні і лістападзе раёнах вышыня снежнага покрыву - 20 сантыметраў. Там жа пагаршэнне ўмоў надвор’я і падзенне тэмпературы паветра да мінус 10-ці.