Мінулы дзень запомніцца біржавым гульцам і ўдзельнікам рынку вытворцаў угнаенняў крушэннем каціровак найбуйнейшага ў краіне і аднаго з найбуйнейшых у свеце вытворцы мінеральных угнаенняў - Уралкалія.
З-за рэзкага падзення кошту (больш як на 20%) маскоўская біржа была нават вымушана часова прыпыніць гандаль па паперах кампаніі. Усяго за апошні тыдзень кампанія патаннела амаль на 30%, страціўшы 5 з паловай мільярдаў долараў сваёй капіталізацыі і абнавіўшы тым самым свае трохгадовыя мінімумы. Фактычна Уралкалій вярнуўся да таго кошту, калі ён перайшоў пад кантроль цяперашніх акцыянераў на чале з дагестанскім сенатарам Сулейманам Керымавым. Спробы кіраваць кампаніяй міжнароднага ўзроўню метадамі, перанятымі ад напаўбандысцкіх 90-х, пасварылі кампанію практычна з усімі партнёрамі і прыкметна зменшылі кліенцкую базу. Гэта і стала пачаткам канца - кампанія пачала павольна, але дакладна губляць свае пазіцыі і ўсё хутчэй ляцець пад адхон.
