Міністэрства аховы здароўя Гватэмалы пацвердзіла 105 выпадкаў ліхаманкі Зіка ў краіне

Рэальная колькасць заражаных можа складаць некалькі соцень, бо, згодна са статыстыкай на кожнага пацыента з пацверджаным захворваннем можа прыходзіцца яшчэ трое хворых. Першы выпадак заражэння вірусам Зіка ў Цэнтральна-амерыканскай рэспубліцы быў зарэгістраваны 23 лістапада мінулага года. Нагадаем, кіраўнік Сусветнай арганізацыі аховы здароўя Маргарэт Чан заявіла, што ў сувязі з імклівым распаўсюджваннем віруса Зіка, Сусветная арганізацыя аховы здароўя 1 лютага збярэ экстранную нараду. Раней стала вядома, што ў Даніі зафіксаваны першы выпадак з'яўлення амерыканскага віруса Зіка, з якім ужо на ўсю моц змагаюцца ў краінах Паўднёвай Амерыкі і ЗША.