Міліцыя паспрабавала дэмантаваць барыкады ў цэнтры Кіева

Зрэшты, спыніць несанкцыянаваную акцыю пратэсту вартавым парадку не ўдалося. Праваахоўнікі сутыкнуліся з разлютаваным супраціўленнем з боку апазіцыянераў. Мяркуючы па ўсім, пасля візіту на Еўрамайдан шэрагу еўрапейскіх палітыкаў маніфестанты адчулі сябе беспакаранымі. Паводле звестак МУС Украіны, дэманстранты распылілі ў бок міліцыянераў слёзатачывы газ і закідалі сілавікоў дымавымі шашкамі. 11 чалавек затрыманыя, ёсць паведамленні аб пацярпелых - як з боку мітынгоўцаў, так і з боку праваахоўнікаў.