Гэтым разам "жалезнай лэдзі" быў вылучаны ўльтыматум. Кіраўнік Хрысціянска-сацыяльнага саюза, міністр унутраных спраў краіны Хорст Зеехофер адвёў роўна два тыдні на рашэнне пытання, звязанага з нелегальнай міграцыяй. У выпадку, калі за гэты тэрмін Меркель не знойдзе агульнаеўрапейскага рашэння праблемы, Зеехофер прыстрашыў у аднабаковым парадку выпусціць міністэрскі ўказ аб маштабным кантролі на межах і высыланні мігрантаў, якія атрымалі адмову ў прадастаўленні прытулку на тэрыторыі ФРГ. Акрамя таго, кіраўнік МУС паабяцаў пазбавіць нелегалаў грашовых дапамог. Меркель ультыматум прыняла, хоць лічыць, што Германія не павінна ў аднабаковым парадку абмяжоўваць міграцыю.
Ангела Меркель, канцлер ФРГ: "У інтарэсах Германіі падтрымліваць парадак і кантроль над міграцыяй у добрым партнёрстве з нашымі еўрапейскімі суседзямі. Мы лічым, што няўзгодненая адмова на выезд мігрантаў у краіну, размешчаную ў сэрцы Еўропы, прывядзе да негатыўнага эфекту даміно. І ў канчатковым выніку паставіць пад пытанне еўрапейскае адзінства".
"Вялікай памылкай" палітыку адкрытых дзвярэй Ангелы Меркель назваў і амерыканскі лідар. Пра гэта Дональд Трамп напісаў сёння на сваёй старонцы ў Twitter. Ён лічыць, што Еўропа няправільна падышла да рашэння праблемы міграцыйнага крызісу. Зараз у Старым Свеце расце злачыннасць. А мільёны мігрантаў, якія аселі ў ЕС, мяняюць культуру еўрапейскіх краін.
