Міжнародная арганізацыя Oxfam: Сусветная эканамічная сістэма зламаная

Сусветная эканамічная сістэма зламаная - такую выснову зрабіла міжнародная арганізацыя Oxfam. Сёння, згодна са статыстыкай, мільёны людзей жывуць у крайняй беднасці ў той час як грашовыя патокі ідуць да тых, хто на вяршыні ўлады. Так, багацце самай беднай часткі грамадства за мінулы год скарацілася на 11 %. Сукупная ж маёмасць усіх мільярдэраў вырасла на 900 мільярдаў долараў. А за апошнія 10 гадоў колькасць доларавых мільярдэраў амаль падвоілася. І зараз у свеце з'яўляюцца новыя мільярдэры ў сярэднім кожныя два дні. Пры гэтым павялічылася і тэндэнцыя да канцэнтрацыі багацця: 26 самых багатых людзей свету маюць багацце, роўнае дабрабыту самых найбяднейшых некалькіх мільярдаў чалавек. Яшчэ годам раней гэтую суму акумулявалі 43 чалавекі.