На поўначы краіны больш як 170 зняволеных выкралі зброю і забілі ахоўніка. Адзін з асуджаных, паводле даных улад, загінуў пасля таго, як упаў з турэмнай сцяны. Да пошуку ўцекачоў мясцовая паліцыя далучыла міратворцаў ААН. На дарогах у раёне месца зняволення ўстаноўлены кантрольна-прапускныя пункты. Цяжкасці ў пошуках уцекачоў уяўляе тое, што яны былі апранутыя не ў турэмную ўніформу, а ў грамадзянскае адзенне.
