Адразу ў некалькіх гарадах Францыі прайшлі масавыя беспарадкі: людзі выйшлі на вуліцы ў знак пратэсту супраць забойства маладога эколага. Юнак загінуў тыдзень таму падчас мітынгу, прысвечанага будаўніцтву дамбы на паўднёвым захадзе краіны. Прычынай смерці стаў узрыў света-шумавой гранаты, кінутай у натоўп супрацоўнікамі паліцыі. Трагедыя выклікала шырокі рэзананс. У Нанце, Тулузе і іншых гарадах мясцовыя жыхары арганізавалі акцыі пратэсту. Яны выкрыквалі ў адрас паліцэйскіх абразы, кідалі камяні і бутэлькі з кіслатой. Вартавым парадку ў адказ давялося прымяніць слёзатачывы газ. У выніку пацярпелі не менш за пяцёра дэманстрантаў і трое паліцэйскіх.
