Тэрміновыя меры па даўгачасным развядзенні агню, недапушчальнасць мінамётных абстрэлаў грамадзянскіх аб'ектаў і абмен палоннымі. Такі спектр пытанняў абмеркавалі сёння ўдзельнікі чарговага пасяджэння трохбаковай кантактнай групы па вырашэнні сітуацыі на ўсходзе Украіны.
Марцін Сайдзік, спецпрадстаўнік АБСЕ ў трохбаковай кантактнай групе: "Як вядома, у пачатку кастрычніка ва Украіне было падоўжана дзеянне закону аб адмысловым статусе асобных раёнаў Данецкай і Луганскай абласцей. Са свайго боку я вітаю гэты факт як сведчанне прыхільнасці Украіны мінскім пагадненням і мірнаму вырашэнню канфлікту. На жаль, нараўне з гэтай добрай навіной ёсць і дрэнныя. У апошні час, як вам вядома, узрос лік парушэння рэжыму спынення агню, што непазбежна прыводзіць да новых ахвяраў сярод грамадзянскага насельніцтва. Я яшчэ раз настойліва заклікаю ўсе бакі не дапушчаць такога развіцця і выявіць строгую стрыманасць".
На мінулым тыдні ў выніку мінамётнага абстрэлу пасёлка Мар'еўка загінулі маці і яе 17-гадовая дачка. Усяго ж, паводле звестак АБСЕ, у Данбасе загінулі больш як 10 тысяч мірных жыхароў.
