Давер падарваны. Заснавальнік "Фейсбук" Марк Цукерберг прызнаў, што кампанія "Кэмбрыдж Аналітыка" некарэктна скарысталася асабістымі звесткамі карыстальнікаў. Пра гэта ён расказаў у інтэрв'ю CNN. Цукерберг адзначыў, што перагледзіць адносіны з некаторымі распрацоўшчыкамі, а таксама прапануе карыстальнікам сацсеткі выдаліць усе іншыя дадаткі. Таксама ён паведаміў, што кампанія яшчэ некалькі гадоў таму прыняла неабходныя меры па абароне даных.
Нагадаем, брытанскую кампанію "Кэмбрыдж Аналітыка" абвінавачваюць у злоўжыванні асабістымі звесткамі больш як 50-ці мільёнаў карыстальнікаў "Фейсбука". На фоне гэтых паведамленняў Цукерберг страціў 6 мільярдаў долараў.