Сваю пазіцыю прэзідэнт Францыі выказаў на прэс-канферэнцыі з Педра Санчэзам у Мадрыдзе.
Эмануэль Макрон, прэзідэнт Францыі: "Ні Еўропа, ні Францыя ніколі не хацелі ніякай камерцыйнай вайны. Але любы гандлёвы дыялог можа толькі засноўвацца на збалансаваных адносінах, а ні ў якім разе не на пагрозах. У гэтым выпадку ў нас ёсць сумненні, якія нам трэба растлумачыць з нашымі еўрапейскімі партнёрамі. Я не падтрымліваю пачатак вялікага гандлёвага дыялогу, паколькі гэта не дазваляе кантэкст".
Макрон дадаў, што для прасоўвання наперад патрэбныя пэўныя крокі з боку ЗША, а менавіта дээскалацыя па сталі і алюмініі. Кіраўнік іспанскага ўрада падтрымаў пазіцыю французскага лідара і заклікаў паўночнаамерыканскую адміністрацыю адмяніць пошліны.
