Ваенна-паветраныя сілы міжнароднай кааліцыі на чале з ЗША нанеслі авіяўдар у правінцыі Дэйр-эз-Зор на паўночным усходзе Сірыі. У выніку быў ліквідаваны Раян Машаль - заснавальнік інфармагенцтва Amaq, якім з мэтай прапаганды карыстаецца групоўка "Ісламская дзяржава". Пра смерць Машаля паведаміла агенцтва Reuters са спасылкай на заяву брата тэрарыста.
Паводле папярэдніх звестак, авіяўдар трапіў дакладна па доме Машаля ў горадзе Аль-Маядын. У момант абстрэлу побач з заснавальнікам Amaq знаходзілася яго дачка, якая таксама загінула. Паміж тым Reuters адзначае, што знайсці пацверджанне гэтай інфармацыі ад афіцыйных крыніц пакуль не атрымліваецца.
