Лідары краін ЕС прыйшлі да агульнага пагаднення аб тым, як справіцца з міграцыйным крызісам

Лідары краін ЕС сёння раніцай прыйшлі да агульнага пагаднення аб тым, як справіцца з міграцыйным крызісам. Аб гэтым стала вядома менш як паўгадзіны таму. Раней паведамлялася, што прэс-канферэнцыя па выніках 1-га дня саміту ЕС адмененая з-за таго, што Італія блакіравала выніковы дакумент перамоў. Прычына - рознагалоссі па пытанні міграцыйнага крызісу. Прэм'ер-міністр Італіі Джузэпэ Контэ заявіў, што мае намер дабіцца адмены пагаднення, паводле якога ўсе абавязкі па размяшчэнні мігрантаў кладуцца на тую краіну, у якую гэтыя мігранты прыбылі.