Лідары ЕС могуць падоўжыць тэрмін выхаду Вялікабрытаніі з блока

Развітваюцца, але не сыходзяць. Лідары ЕС могуць падоўжыць тэрмін выхаду Вялікабрытаніі з блока, калі Лондан падасць важкія падставы для гэтага. Праўда пакуль Вялікабрытанія не прасіла аб гэтым. Пад пытаннем і перспектывы "мяккага" выхаду Злучанага Каралеўства пасля ўчарашняга катастрафічнага правалу дагавора ўрада Тэрэзы Мэй і Бруселя. Упершыню ў гісторыі больш за 400 членаў парламента адхілілі законапраект. І зараз магчымы цэлы шэраг сцэнарыяў развіцця падзей: ад правядзення паўторнага рэферэндуму і пазачарговых паўторных выбараў да выхаду краіны з ЕС без здзелкі. Зараз Тэрэзу Мэй чакае галасаванне па пытанні аб даверы ўрада прэм'ер-міністра. Калі ёй атрымаецца захаваць крэсла, то ўжо заўтра яна пачне кансультацыі з лідарамі парламенцкіх фракцый аб магчымых умовах новага пагаднення па Брэксіце, якое потым можна будзе прапанаваць Бруселю.