Лідар правай Народнай партыі Іспаніі Марыяна Рахой стаў прэм'ер-міністрам краіны

Указ аб яго прызначэнні падпісаў кароль Іспаніі Феліпе VI. Паведамляецца, што ўжо сёння Рахой прынясе прысягу кіраўніку дзяржавы ў каралеўскай рэзідэнцыі Сарсуэла. Нагадаем, напярэдадні наваспечаны прэм'ер атрымаў большасць галасоў кангрэса дэпутатаў іспанскага парламента. Чакаецца, што склад новага ўрада Іспаніі будзе аб’яўлены 3 лістапада.